RAYO 21 CF "B" - CENTED ACADEMY "B" (3-2)

febrero 23, 2025

RAYO 21 CF "B" - CENTED ACADEMY "B" (3-2)

O pasado sábado 22 de febreiro ás 19:00 tivo lugar o encontro entre o RAYO 21 CF "B" e o CENTED ACADEMY "B" no Campo de Eiroas (Ourense). O partido, correspondente á sexta xornada da categoría Cadete 2ª Futgal (2ª Fase, Grupo A2), presentábase cun Cented que ocupaba a terceira posición con 9 puntos, a 6 do líder EDC Verin, mentres que o Rayo 21 atopábase na última praza sen ter sumado ningunha vitoria.

O partido, cunha duración de 40 minutos por tempo, comezou cun gol temperán do Rayo 21, obra de Xoan De Jesus Silva no minuto 5, que adiantaba ao equipo local. Pouco despois, no minuto 19, Ignacio Gores Trabazoampliaba a vantaxe para o Rayo 21 cun segundo gol. O Cented non se rendeu e logrou recortar distancias no minuto 27 grazas a un gol de Alejandro Rodriguez Chulia. Con todo, antes do descanso, o Rayo 21 volveu marcar, esta vez por medio de Joao Carlos Blanco Dos Santos no minuto 40, establecendo o 3-1 ao descanso.

Na segunda parte, o Cented buscou a remontada e, a pesar do esforzo, só puido anotar un gol máis, obra de Lucas Quintas García no minuto 64. O partido finalizou cunha vitoria por 3-2 para o Rayo 21.

No minuto 35, o adestrador do Rayo 21, Marcos Vinicios Martins dos Santos, foi expulsado do partido por protestas ao árbitro

En canto á actuación do Cented, o equipo non mostrou a súa mellor versión neste partido. A pesar dos dous goles anotados, o equipo careceu da solidez defensiva, de solucion en ataque e a fluidez no xogo que mostrara en encontros anteriores. A falta de intensidade no primeiro tempo e a dificultade para xerar ocasións claras de gol lastraron ao equipo, que non puido evitar a derrota.

Para o Cented, esta derrota supón un paso atrás despois de dúas vitorias consecutivas, e deixa ao equipo a 9 puntos do líder. O Rayo 21, pola súa banda, consegue a súa primeira vitoria da tempada, aínda que segue na última posición da táboa. O próximo partido do Cented será na casa fronte ao CP Calasancio "B", terceiro clasificado e con tres puntos máis que o Cented.

Goleadores do partido