CENTED ACADEMY "B" - ACD POLIGONO SAN CIPRIAN (1-5)

septiembre 27, 2025

CENTED ACADEMY "B" - ACD POLIGONO SAN CIPRIAN (1-5)

Hoxe sábado 27 de setembro de 2025, ás 12:00 horas, disputouse no campo de O Xeixo (Santa Cruz Arrabaldo) o encontro correspondente á 3ª xornada da 2ª División Cadete da FGF (Ourense, Grupo 2), que enfrontou ao Cénted Academy “B” e ao A.C.D. Polígono San Ciprián.

O partido comezou cunha primeira parte marcada pola alternancia. O Polígono buscaba a posesión e a circulación fluída, mentres que o Cénted trataba de impoñerse a través da súa potencia física, especialmente nas disputas. Esa igualdade mantívose ata o descanso, cando o marcador aínda reflicte un 1-1, grazas ao gol de Marcos Álvarez Núñez no minuto 38’, tras un contraataque ben conducido, que empatou o tanto inicial de Unai Espinosa Borrajo para o Polígono.

O inicio da segunda metade resultou demoledor para o Cénted. Nos primeiros minutos do segundo tempo, o Polígono aproveitou os dous primeiros tiros a porta: no 41’ e no 44’, Diego Carballo Zaragoza marcou dous goles case consecutivos, aumentando a vantaxe visitante e deixando o encontro practicamente decidido.

Por se fose pouco, no 51’ produciuse a expulsión de Juan Corral La Banca, unha acción que condicionou totalmente a posibilidade de reacción do Cénted. Xogar en inferioridade, sumado á ansiedade por intentar recortar distancias, fixo que o equipo local se mostrara máis impreciso e que perdera a orde táctica. As substitucións deron aire fresco, pero resultaron insuficientes ante un rival que xa dominaba con comodidade.

O resultado final, Cénted Academy “B” 1 – 5 Polígono San Ciprián, reflicte con claridade o que foi a segunda metade, na que o conxunto visitante estivo moi acertado e o local non soubo atopar resposta. O equilibrio que se viu no primeiro tempo desapareceu por completo na segunda metade. Os xogadores do Cénted, nerviosos e algo perdidos tras encaixar dous goles consecutivos e sufrir a expulsión, non souberon reaccionar. Viuse certa ansiedade que acabou derivando en descontrol e nunha perda da predisposición competitiva, deixando claro que a diferenza no marcador non era só cuestión de acerto, senón tamén de confianza e orde sobre o terreo de xogo.

Pese á derrota, é importante animar a todos os xogadores. Trátase dun equipo en formación, con marxe de mellora, e todas estas situacións servirán de aprendizaxe. A base de adestramentos e co paso dos partidos, estes erros iranse corrixindo, e seguro que o Cénted poderá competir mellor e con máis estabilidade nas vindeiras xornadas.

Cómpre destacar a actuación do dorsal 14 do Polígono, Xián Pérez Casares, que asinou un encontro brillante, amosando talento, visión de xogo e capacidade de desborde. Foi sen dúbida un dos protagonistas do partido e un xogador a seguir de preto.

Goleadores do partido: